‘बम–सरस्वती स्मृति पुरस्कार’ लामिछानेलाई

बागलुङ । धौलागिरि साहित्य प्रतिष्ठान बागलुङले यस वर्षको ‘बम–सरस्वती स्मृति पुरस्कार’ चितवनका साहित्यकार ऋषिप्रसाद लामिछाने ‘गोर्खे साइँलो’ लाई प्रदान गर्ने भएको छ ।

बागलुङको मूलपानी घर भई हाल बेल्जियममा बस्ने कवि दीपेन्द्र केसीद्वारा हजुरबुबा बमबहादुर र हजुरआमा सरस्वती केसीको स्मृतिमा स्थापित पुरस्कारबाट लामिछाने पुरस्कृत हुन लागेका हुन् ।

नगद १० हजार राशिको पुरस्कार यही असार २९ गते २०४ औँ भानुजयन्तीका अवसरमा प्रदान गरिने प्रतिष्ठानले जनाएको छ । लामिछानेले नेपाली भाषा र साहित्यको उन्नयनमा पुर्याएको योगदानस्वरुप पुरस्कार दिन लागिएको प्रतिष्ठानका अध्यक्ष काजी रोशनले बताए ।

पल्लव साहित्य प्रतिष्ठान चितवनका अध्यक्षसमेत रहेका लामिछाने साहित्यिक क्षेत्रमा ‘गोर्खे साइँलो’ नामले परिचित छन् । रासस

सम्बन्धित

महानगर साहित्य दर्पण सार्वजनिक तथा कवि रानाको एकल कविता बाचन

अद्धैत संस्था चन्द्रनगर शाखामा राष्ट्रव्यापी बृहत सत्संग समारोह

हंसको क्षमता अभिवृद्धि तथा ताजगिकरण कार्यक्रम सम्पन्न