कुखुरा व्यवसायी मञ्चको ध्यानाकर्षण

२०७७ भाद्र ६ गते
भरतपुर÷नेपाल कुखुरा व्यवसायी मञ्चले भुमि व्यवस्था, कृषि तथा सहकारी मन्त्रालय अन्तरगतका विभिन्न कार्यालय गाभ्ने तयारी भएको वताउँदै सो विषयमा आफ्नो गम्भिर ध्यानाकर्षण भएको जनाएको छ । मञ्चका अध्यक्ष ऋषिराम पौडेलद्धारा जारी विज्ञप्तिमा भुमि व्यवस्था, कृषि तथा सहकारी मन्त्रालय अन्तरगतका मेटेरीनरी अस्पताल तथा पशु सेवा विज्ञ केन्द्र र कृषि ज्ञान केन्द्रलाई गाभि एकीकृत कार्यालय वनाउन लागेको जानकारी गराउँदै कार्यालय गाभ्न नहुने माग गरिएको छ ।
कृषि र भेटेरीनरी विधा आफैमा छुट्टाछुट्टै विषय भएको वताउँदै दुवै विधाका जनशक्तिहरुमा फरक फरक योग्यता र अनुभव हुने वताइएको छ । पछिल्लो समय दिनप्रतिदिन वढ्दै गएको पोल्ट्रि क्षेत्रले हालसम्म प्रयाप्त सेवा पाउन नसकेको वताउँदै विज्ञप्तिमा एकीकृत कार्यालयले झनै सेवा दिन नसक्ने मुख्यमन्त्री समक्ष अनुरोध गरेको छ । ७७ वटै जिल्लामा छुट्टाछुट्टै भेटेरीनरी अस्पताल तथा पशु सेवा विज्ञ केन्द्र र कृषि ज्ञान केन्द्र हुनुपर्ने नेपाल कुखुरा व्यवसायी मञ्चले माग गरेको छ ।

सम्बन्धित

होटल व्यवसायी संघद्धारा प्रजिअ र वडा प्रहरी प्रमुखलाई स्वागत तथा अन्तरक्रिया

व्यवसायी शाक्यको किताब विमोचन र लोकमान प्रवेशद्धार उद्घाटन

रोट्याक्ट क्लव अफ चितवनको ३० औं पदस्थापन