कोरोनाको कारण एकैदिन तीन जनाको ज्यान गयो

२०७७ भाद्र १६
भरतपुर/चितवनमा पछिल्लो समय कोरोनाको कारण ज्यान जानेको संख्या वढेको छ । कोरोना संक्रमण वढेसंगै कोरोना संक्रमणको कारण ज्यान गुमाउने मानिसको संख्यामा समेत बृद्धि भएको हो । चितवनमा सोमबार तीन जना मानिसको कोरोनाकै कारण ज्यान गएको पुष्टि भएको हो ।
भरतपुर अस्पतालमा सोमबार दिउँसो मृत्यु भएका तीन जना कोरोना भाइरसका कारण मृत्यु भएको अस्पतालले जनाएको छ । संक्रमण कोरोनासँग मिल्दोजुल्दो लक्षण देखिएका उनीहरूको अस्पतालमा केही घण्टाको फरकमा मृत्यु भएको थियो । मृत्यु हुनेमा भरतपुर महानगरपालिका–११ का ६५ वर्षीय पुरूष, भरतपुर महानगरपालिका–११ की १८ वर्षीया युवती र पूर्वी चितवनको खैरहनी नगरपालिका–१३ की ५५ वर्षीया महिलाको मृत्यु छन् ।
उनीहरूमा ज्वरो र श्वासप्रश्वासमा समस्या देखिएको थियो । एक जनाको मृत्यु नहुँदै र दुई जनाको मृत्यु भइसकेपछि नमूना संकलन गरिएको थियो । अस्पतालका सूचना अधिकारी लिलाधर पौडेलले एक्कासी लक्षण देखिएर राम्रोसँग उपचार गर्न पनि नपाउँदै बिरामीको मृत्युु भएको बताउनुभयो । योसँगै चितवनमा मृत्यु हुनेको संख्या १६ पुगेको छ ।

सम्बन्धित

होटल व्यवसायी संघद्धारा प्रजिअ र वडा प्रहरी प्रमुखलाई स्वागत तथा अन्तरक्रिया

व्यवसायी शाक्यको किताब विमोचन र लोकमान प्रवेशद्धार उद्घाटन

रोट्याक्ट क्लव अफ चितवनको ३० औं पदस्थापन