होटल संघद्धारा सरकारको ध्यानाकर्षण, राहत प्याकेजको माग

भरतपुर/कोरोना संक्रमण र सरकारले घोषणा गरेको लकडाउनको कारण पर्यटन क्षेत्र सबैभन्दा प्रभावित हुन पुगेको छ । कोरोना संक्रमण र लकडाउनले पर्यटन क्षेत्रको महत्वपुर्ण पाटोको रुपमा रहेको होटल व्यवसाय सबैभन्दा वढि मारमा परेको हो । मुलकको अर्थतन्त्र ठप्प भएसंगै होटल व्यवसाय पुर्ण रुपमा बन्द हुँदा कतिपय होटल व्यवसायीहरु पेशावाटै विस्तापित हुन पुगेको होटल व्यवसायी संघ चितवनका अध्यक्ष दिलकुमार श्रेष्ठले जानकारी दिनुभयो । व्यवसायीका समस्यालाई मध्यनजर गर्दै सरकारले राहत प्याकेज घोषणा गर्नुपर्ने माग गर्दै अध्यक्ष श्रेष्ठले राज्यले सहयोग नगर्ने हो भने व्यवसायीहरु होटल व्यवसायमा टिक्न मुस्किल पर्ने वताउनु भयो ।
पर्यटन विना समृद्ध मुलुकको परिकल्पना गर्न नसकिने वताउँदै उहाले होटल व्यवसायका समस्याको विषयमा मुलुकमा क्रियाशिल तीनै तहका सरकारले विशेष ध्यान दिनुपर्ने वताउनु भयो । कोरोना संक्रमण र लकडाउनले सवैभन्दा वढि होटल व्यवसाय प्रभावित भएको र होटल व्यवसायको संरक्षण र प्रवद्र्धनको लागि राज्यको सहयोग अपरिहार्य रहेको निष्कर्ष निकाल्दै होटल व्यवसायी संघ चितवनले विभिन्न प्रकारका कर, जरिवना र घरवाहलमा छुटको व्यवस्था गर्नुपर्ने माग गरेको जानकारी दिनुभयो । उहाले व्यवसायीहरुलाई कोरोना संक्रमण विरुद्धको खोपको व्यवस्था मिलाउन समेत आग्रह गर्नुभयो ।
यसैगरी होटल व्यवसायी संघ चितवनका महासचिव गोपाल श्रेष्ठले आर्थिक मेरुदण्डको रुपमा रहेको होटल व्यवसायले हजारौ मानिसहरुलाई रोजगारी दिएको वताउँदै पछिल्लो समय कोरोना र लकडाउनको कारण होटल व्यवसाय धरासायी हुन पुगेको वताउनु भयो । सानो लगानीमा होटल व्यवसाय संचालन गरेका व्यवसायीहरु यो विसम् परिस्थितीले उठ्नै नसक्ने गरि थला परेको वताउँदै महासचिव श्रेष्ठले कर्मचारीहरुलाई समेत समयमा परिश्रमीक दिन नसकेर व्यवसायीहरु एकपछि अर्को समस्याको चपेटामा परेको वताउनु भयो ।
महासचिव श्रेष्ठले होटलको घरभाडामा ५० प्रतिशत तथा बिजुली, पानी, टेलिफोन, इन्टरनेट महसुलमा विशेष छुटको व्यवस्था गर्न माग गर्नुभयो । उहाले होटल व्यवसायीलाई राहतस्वरुप एक वर्षको व्यवसाय कर तथा अन्य सबै प्रकारका राजश्व मिनाहा गर्ने व्यवस्था मिलाउनुपर्नेमा जोड दिनुभयो । उहाले बैंक तथा वित्तीय संस्थाबाट लिइएको ऋण र किस्ता तिर्ने मुख्य स्रोत व्यवसाय भएकाले होटल व्यवसाय ठप्प भएका कारण ऋण तथा किस्ता तिर्ने समयावधि थप गरी ब्याजमा सहुलियत दिनुपर्ने उहाको भनाई थियो ।
होटल व्यवसायी संघ चितवनका सचिव राम बहादुर गुरुङले अहिलेसम्म होटल व्यवसायीले राज्यबाट कुनै पनि सुविधा नपाएको वताउँदै यो महामारिको अवस्थामा होटल व्यवसायीलाई व्यवसायमा टिकाईराख्न राहत प्याकोजको जरुरी रहेको वताउनु भयो । कोरोना सङ्क्रमणको जोखिम बढ्दै जाँदा होटल व्यवसायीलाई दिन प्रतिदिन थप आर्थिक भार परेको वताउँदै सचिव गुरुङले होटल व्यवसायीका समस्यालाई मध्यनजर गर्दै सरकारले योजना तर्जुमा गर्नुपर्नेमा जोड दिनुभयो ।

सम्बन्धित

होटल व्यवसायी संघद्धारा प्रजिअ र वडा प्रहरी प्रमुखलाई स्वागत तथा अन्तरक्रिया

व्यवसायी शाक्यको किताब विमोचन र लोकमान प्रवेशद्धार उद्घाटन

रोट्याक्ट क्लव अफ चितवनको ३० औं पदस्थापन