बालकृण खनाल
भरतपुर, चितवन
घडी पला दिन गर्दै चल्छ जिन्दगानी
थाहै हुन्न कुन बेला ढल्छ जिन्दगानी ।
उमेर छँदा सान सौकत सवै दायाँबायाँ
त्यसै त्यसै धप धपी बल्छ जिन्दगानी ।
भान हुन्छ कसैलाई संसारै छ बसमा
लाग्छ यसैगरी फूल्छ फल्छ जिन्दगानी ।
हेर्दाहेर्दै समयले नेटो काट्छ आँखै अघि
पत्तै नपाई भित्र भित्रै गल्छ जिन्दगानी ।
स्थायी छैन केहिपनि नाशवान सवै यहाँ
आखिरीमा खरानी भई जल्छ जिन्दगानी ।
© 2020 namunaonline, Designed By: 
Hosted By:
