रोज रामुदामुद्धारा जन्मदिनमा सानो घरलाई आर्थिक सहयोग

सन्तोष देवकोटा
भरतपुर/सफल युवा व्यवसायी रुविन रामुदामु तथा शान्ति रामुदामुकी छोरी रोज रामुदामुले आफ्नो जन्मदिनको अवसरमा शनिबार भरतपुर १२ स्थित सानो घरलाई आर्थिक सहयोग गर्नु भएको छ । भरतपुर स्थित सनराईज स्कुलमा कक्षा ७ मा अध्यायनरत रोज रामुदामुले खाजाखर्च कटाएर जम्मा गरेको दश हजार रुपैया अनाथ बालिका आश्रित सानो घरलाई हस्तान्तरण गर्नु भएको हो ।
१३ औं जन्मउत्सवको अवसरमा आयोजित उक्त कार्यक्रममा बोल्दै रोज रामुदामुले आफुलाई समाजसेवा अत्याधिक मनपर्ने वताउँदै आफु पनि समाजसोवामा समर्पित हुन चाहेको वताउनु भयो । जन्मदिन मनाउने क्रममा फजुल खर्च गर्नु उचित नहुने वताउँदै रामुदामुले आगामी दिनमा पनि विभिन्न अवसर पारेर सानो घरलाई सहयोग गर्ने प्रतिवद्धता जनाउनु भयो ।
सोहि कार्यक्रममा वोल्दै सानो घरकी अध्यक्ष विमला श्रेष्ठले यस्तै खालका सहयोगका कारण सानो घर संचालन हुन सकेको वताउनु भयो । अनाथ आश्रमको रुपमा रहेको सानो घर वि.सं. २०६७ साल देखि संचालन हुँदै आएको वताउँदै श्रेष्ठले आश्रममा ५ जिल्लाका २१ जना वालिकाहरुले आश्रय लिएको जानकारी दिनुभयो । कार्यक्रममा युवा व्यवसायी रुविन रामुदामु, शान्ति रामुदामु, निश्चल रामुदामु, गंगा खाति वि.क., उत्सव खाती, उत्कृष्ट खाती, अनुसा खातीलगायतको सहभागिता रहेको थियो ।

सम्बन्धित

होटल व्यवसायी संघद्धारा प्रजिअ र वडा प्रहरी प्रमुखलाई स्वागत तथा अन्तरक्रिया

व्यवसायी शाक्यको किताब विमोचन र लोकमान प्रवेशद्धार उद्घाटन

रोट्याक्ट क्लव अफ चितवनको ३० औं पदस्थापन