गजलः अछाम एक संझनामा

बालकृष्ण खनाल
भरतपुर, चितवन

फूलोटको उकालोमा भेटिएकि गोरी
बाजुराकी मैयाँ हौ कि अछामकी छोरी ?

चट्ट परि कता हो नि पल्लो गाउँ कि घट्ट
पिठ्युँमा नि भारी रैछ कोदो हो कि तोरी ?

बाटो काट्न सजी हुन्थ्यो यसो बोल्न पाए
मिल्छ भने दुई चार वात मारम न त मोरी ।

मेरैलाई हो ठानुँ भने बोली वचन भाको छैन
कस्का लागि हिँडेकी हौ छड्के कपाल कोरी ।

नागवेली चाल तिम्रो मन्द मुस्कान ओठले
फर्कि फर्कि हेर्दै मैयाँ लग्गौ नि मन चोरी ।

कहिले त एकै भेट नि काफी हुन्छ मायाँ बस्न
नपत्याए तिम्रो तस्बिर हेर मेरो दिल यो फोरी ।

सम्बन्धित

होटल व्यवसायी संघ चितवनको आपत्ति

अद्धैत संस्था चन्द्रनगर शाखामा राष्ट्रव्यापी बृहत सत्संग समारोह

हंसको क्षमता अभिवृद्धि तथा ताजगिकरण कार्यक्रम सम्पन्न