स्वास्थ्य मापदण्ड पालना गरि निरन्तर सेवाको लागि होटल व्यवसायी प्रतिवद्ध


सन्तोष देवकोटा
भरतपुर/विश्वभर फैलिएको कारोना संक्रमणको तेस्रो लहरको कारण फेरि पछिल्लो समय विश्वसहित नेपालको आर्थिक क्षेत्र फेरि संकटमा परेको छ । लामो समयको कोरोना महामारीको कारण थलिएको व्यवसायमा संक्रमण कम भएसंगै सुधारको संकेत देखिएको थियो । कोरोना संक्रमणको कारण हरेक क्षेत्र प्रभावित हुन पुगेपनि होटल व्यवसाय धेरै प्रभावित हुन पुगेको थियो ।
सुधारको क्रममा रहेको होटल व्यवसाय फेरि तेस्रो चरणको रुपमा भित्रिएको ओमिक्रोन भाइरसको कारण प्रभावित हुने अवस्था देखिएको छ । जिल्ला स्थित होटल व्यवसायीहरु ओमिक्रोन भाईरसवाट जोगिने र जोगाउने तर्फ ध्यान दिँदै कसरी निरन्तर सेवा दिन सकिन्छ भन्ने विषयमा छलफलमा जुटेका छन् । जिल्लाका होटल व्यवसायीहरु चितवन जिल्ला निवासी होटल व्यवसायी महासंघका वरिष्ठ उपाध्यक्ष दिनेश कुमार चुकेको उपस्थितामा आन्तरिक छलफलमा जुटेका हुन् ।
छलफलमा होटल व्यवसायी र होटलमा कार्यरत कर्मचारीहरुलाई वुस्टर डोज खोपको व्यवस्था गर्नुपर्ने, सम्पती व्यवसायीक र सरसफाई कर छुट गर्नुपर्ने, बाहालमा बस्नेहरुको विद्युत मिटर सम्वन्धमा, नियमित फोहर उठाउने विषयमा छलफल भएको होटल व्यवसायी महासंघका वरिष्ठ उपाध्यक्ष दिनेश कुमार चुकेले जानकारी दिनुभयो । साथै वैठकले स्वास्थ मापदण्ड र सोको तालिम सबै होटेल कर्मचारीहरुलाइ दिने ब्यबस्था मिलाउन जिल्ला जनस्वास्थ कार्यालय लाइ अनुरोध गर्ने निर्णय भएको जानकारी दिँदै वरिष्ठ उपाध्यक्ष चुकेले स्वास्थ्यका हिसावले स्तरीय खाद्यवस्तुको विक्रिवितरणमा ध्यान दिन व्यवसायीहरुलाई आग्रह गर्नु भयो ।
व्यवसायी र कर्मचारीहरुलाई खाद्य व्यवस्थापन सम्वन्धि तालिम जरुरी रहेको वताउँदै उहाले होटेलहरुद्वारा स्वदेशी पर्यटकहरुलाई आकर्षण गर्ने प्याकेज र स्थानीय, प्रदेश र संघीय सरकारबाट छलफल गरि प्रचारप्रसार सामाग्रीहरु छपाइ देखि विभिन्न मिडियाद्वारा प्रचार प्रसारमा ध्यान दिनुपर्नेमा जोड दिनु भयो । पछिल्लो समय टुर प्याकेजको अवधारणाले पर्यटन प्रवद्धनमा टेवा पुगेको वताउँदै चुकेले नारायणी किनारमा बोटिङ, बीच खेलकुद कार्यक्रम, नगरबन क्षेत्र वरपर जङ्गल र किनार ड्राइभ, नारायणी कला मन्दिरमा कला नृत्य मनोरन्जन लगायतका कार्यक्रम समावेस गरि दुई या तीन दिनसम्मको टुर प्याकेज निर्माण गर्नुपर्नेमा होटल व्यवसायीहरुको छलफलले जोड दिएको वताउनु भयो । विभिन्न किसिमका संघ संगठनहरुको राष्ट्रिय कार्यक्रमहरु चितवनमा गर्ने वतावरण वनाउने तर्फ ध्यन दिन वैठकले भरतपुर महानगरपालिका, जिल्ला र प्रदेशको पर्यटकीय गन्तव्यहरुको प्रचारप्रसार गरि बढि भन्दा बढि आन्तरिक तथा बाह्य पर्यटकहरु ल्याउने बाताबरण निर्माण गर्नुपर्नेमा जोड दिएको छ । साथै वैठकले पहुँचवालाहरुवाट हुँदै आएको उधारो प्रचलन नियन्त्रण गर्नुपर्नेमा जोड दिँदै असुलिको प्रक्रियाहरु अपनाउने र सामाजिक उत्तरदायित्वको काम गर्ने निर्णय भएको वरिष्ठ उपाध्यक्ष चुकेले वताउनु भयो ।
आगामी दिनमा कोरोनाको बिषम स्थितिमा होटेल रेस्टुरेन्टहरुकम स्वास्थ मापदण्ड अपनाएर सजगताकासाथ ग्राहकहरुलाई निरन्तर सेवा दिने सवालमा व्यवसायीहरु प्रतिवद्ध रहेको होटल व्यवसायी संघ चितवनका उपाध्यक्ष केशव हडखोलेले जानकारी दिनुभयो । सो विषयमा व्यवसायीहरुसंग बृहत छलफल गरि ठोस निर्णय गरिने उहाले जानकारी दिनुभयो । पछिल्लो समय ओमिक्रोन भाईरसको कारण शिक्षा, स्वास्थ्य, सरकारी कार्यालय, निजी क्षेत्र लगायतका क्षेत्रहरु प्रभावित हुन पुगेका छन् । छिटो सर्ने भएका कराण समुदायमा ओमिक्रोन व्यापक रुपमा फैलिएको छ । त्यसैले गर्दा वजारलगायत सरकारी कार्यालयहरुमा मानिसहरुको भिडभाड कम भईसहेको छ ।

  • Samriddhi Technology
  • New title for a=>html, img=>alt
  • New title for a=>html, img=>alt